በምዕራብ አፍሪካዊቷ ሀገር ጋና ውስጥ ወታደራዊ ሄሊኮፕተር ተከስክሶ ስምንት ሰዎች መሞታቸውን የመንግስት ባለስልጣናት አስታወቁ። ከሟቾች መካከል የመከላከያ ሚኒስትሩን ኤድዋርድ ኦማኔ ቦአማን እና የአካባቢ ጥበቃ ሚኒስትሩን ኢብራሂም ሙርታላ ሙሐመድን ጨምሮ ከፍተኛ የመንግስት ባለስልጣናት ይገኙበታል ተብሏል።
የጋና ወታደራዊ ቃል አቀባይ እንደገለጹት፣ ሄሊኮፕተሩ ከዋና ከተማይቱ አክራ ጠዋት ላይ የተነሳ ሲሆን፣ ወደ ሰሜን ምዕራብ አቅጣጫ ወደ ኦቡአሲ ከተማ እያመራ ሳለ ከራዳር ጠፍቷል። የአደጋው ትክክለኛ ምክንያት እስካሁን ያልታወቀ ሲሆን፣ መንግስት የብሔራዊ ሀዘን ቀናት አውጇል ብለዋል።
ይህ አደጋ ባለፉት አስር ዓመታት ውስጥ በሀገሪቱ ከተከሰቱት አስከፊ የአየር አደጋዎች አንዱ ሲሆን፣ ለሟቾች ቤተሰቦች እና ለሀገሪቱ ህዝብ መጽናናትን እመኛለሁ ብሏል መንግስት።
በአደጋው ዙሪያ ምርመራ መጀመሩን የሀገሪቱ ወታደራዊ ቃል አቀባይ ገልጿል።

