የተሽከርካሪ ባለቤትነት ግብር በተያዘው ዓመት ሊጣል ነው – የIMF ሪፖርት

የአለም የገንዘብ ድርጅትን ቅድመ ሁኔታዎች የተከተለውንና መንግስት “ሀገር በቀል የኢኮኖሚ ማሻሻያ” ሲል የጠራው ፕሮግራም በፈረንጆቹ አቆጣጠር በ2019 ተጀምሮ የነበረ ቢሆንም በትግራዩ ጦርነት ሳቢያ ተጓትቶ የሁለተኛውና “የተሟላ” ነው የተባለው መርሀ ግብር በ2024 (ሐምሌ 2016) ተጀምሯል።
ይህን ማሻሻያ በተመለከተ የአለም የገንዘብ ድርጅት(IMF) ከሰሞኑ በሂደቱ ላይ ጥልቅ ግምገማ አድርጓል። ከኢትዮጵያ መንግስት ባለስልጣናት ጋር በዝግ ባደረገው ውይይት የተነሱ ፍሬ ሐሳቦች፣ የተወሰዱ እርምጃዎችና ወደፊት የተያዙ ዕቅዶች ተዘርዝረዋል። የግምገማውንም ሪፖርት ዘለግ አድርጎ ፅፏል።
ዋዜማ ራድዮ ተመለከትኩት ባለው የIMF ሪፖርት መሰረት መንግሥት አዳዲስ ታክሶችን ለመጣል ተዘጋጅቷል። የገንዘብ ሚንስትሩ አህመድ ሺዴ ለIMF ዋና ዳይሬክተር ባለፈው ወር የጻፉት ደብዳቤም በዚህ የIMF ሰነድ ውስጥ ተካቷል፡፡
ደብዳቤው እንደሚለው መንግሥት ብዙ ዓይነት ታክሶችን ለመጣል እያሰበ ነው፡፡ ከእነዚህም አንዱ የተሽከርካሪ ባለቤትነት ግብር ሪፎርም ነው፡፡ ክልሎችና ፌደራል መንግስት ይኼን ግብር በሚሰበስቡበት ሁኔታ ላይ በቅርቡ በፓርላማ ምክክር እንደሚደረግም ሰነዱ ይገልጻል፡፡ ይህም 0.2 ከመቶ ጂዲፒ ሊሸፍን ይችላል፡፡
የመንግሥት ገቢ ማሰባሰብን በተመለከተ፣ IMF ባዘዘው መሠረት መንግሥት ድጐማዎችን በማጠፍ፣ መሠረታዊ የአገልግሎት ታሪፎችን በሒደት ከፍ አድርጓል፡፡ በዚህም መሠረት መንግሥት በነዳጅ፣ ኤሌክትሪክ፣ ቴሌ፣ ማዳበሪያና ሌሎች የሚያደርገውን ድጐማ በማንሳት የመንግሥት ገቢን ሲያሳብጥ የሕዝቡን ኑሮ ግን አጐሳቁሏል፡፡
በዚህም በኑሮ ውድነቱ ምክንያት ከድህነት ወለል በታች የወደቁ ዜጐች ቁጥርና በሴፍቲኔት የሚታቀፉ ዜጐች ቁጥር በከተማና በገጠር በእጥፍ ጨምሯል፡፡
መንግሥት የራሱን ወጪ ለመሸፈን ከሌለው ሕዝብ ለመቁረጥ የዘየደው ከፍተኛ የግብር ምጣኔዎችና አዳዲስ የታክስ አይነቶች የሕዝቡን ገቢ ከማዳከም ባለፈ የንግዱን ማኅበረሰብ ከድጡ ወደ ማጡ አድርሰዋል፡፡

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe