መንግስትና ህወሃት በአደራዳሪዎች ጉዳይ እየተወዛገቡ ነው

ከኢትዮጵያ መንግሥት ጋር የሚደራደር ቡድን መሰየሙን በዚህ ሳምንት ያሳወቀው ህዝባዊ ወያኔ ሓርነት ትግራይ (ህወሓት)«ማናቸውም ንግግር በሰላም ጥረቶች ውስጥ ንቁ ተሳትፎ የነበራቸውን የኬንያውን ፕሬዝዳንት ኡኹሩ ኬንያታን ማካተት አለበት» ብሏል።
የህወሓት ቃል አቀባይ ጌታቸው ረዳ «የድርድሩን ሂደት በሙሉ ለአፍሪቃ ኅብረት መስጠት ለኛ በጣም ኃላፊነት የጎደለው ነው የሚሆነው» ሲሉ ለፈረንሳይ ዜና አገልግሎት ተናግረዋል። ሁለቱን ወገኖች በተናጠል ሲያነጋግሩ የነበሩት የአፍሪቃ ኅብረት ልዩ ልዑክ የቀድሞው የናይጀሪያ ፕሬዝዳንት ኦሊሴጉን ኦባሳንጆ ለኢትዮጵያ መንግሥት ቅርበት አላቸው የሚለው ህወሓት ድርድሩ በኬንያታ አስተባባሪነት እንዲካሄድ እንደሚፈልግ ከዚህ ቀደምም አስታውቆ ነበር።
የኢትዮጵያ ገዥ ፓርቲ ብልጽግና ግን ማናቸውም ድርድሮች በአፍሪቃ ኅብረት በኩል ብቻ ነው ሊመሩ የሚችሉት ብሏል። ከህወሓት ጋር ለሚደረገው ድርድር የመንግሥት ተደራዳሪ ኮሚቴ ሥራ መጀመሩን ባለፈው ሳምንት ተገልጿል።(DW)

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe