“በየመን ድንበር በመቶዎች የሚቆጠሩ ኢትዮጵያውያን በሳውዲ ዓረቢያ ጦር ተገድለዋል” – ሂዩውማን ራይትስ ዎች

ዓለምአቀፉ የሰብዓዊ መብቶች ተከራካሪ ድርጅት ሂዩውማን ራይትስ ዎች << በየመን ድንበር በመቶዎች የሚቆጠሩ ኢትዮጵያውያን በሳውዲ ዓረቢያ ጦር መገደላቸውን >> አጋልጧል።

መቀመጫውን ዩናይትድ ስቴትስ አሜሪካ፣ ኒውዮርክ ያደረገው የሰብዓዊ መብቶች ተከራከሪው ድርጅት ሂዩውማን ራይት ዎች ነሐሴ 15 ቀን 2015 ዓ.ም ባወጣው የምርመራ ሪፖርት <<  የሳውዲ አረቢያ የጸጥታ ሃይሎች በመቶዎች የሚቆጠሩ ኢትዮጵያውያን ስደተኞችና ጥገኝነት ጠያቂዎች ከየመን ለመሻገር ሲሞክሩ መገደላቸውን >> አስታውቋል።

የሰብዓዊ መብት ተሟጋች ድርጅቱ ከምስክሮች ጋር ባደረገው ቃለ መጠይቅ፣ በሳተላይት ምስልና በቪዲዮ የታገዘው ሪፖርት ይፋ ባደረገበት ወቅትም <<  ግድያው ሰፊና ስልታዊ መሆኑን >> አስታውቋል፡፡

ሪፖርቱ << የሳዑዲ ጦር፤ ድንበር ጠባቂዎችንና ምን አልባትም ሌሎች ልዩ ክፍሎችን ጨምሮ በቅርብ ዓመታት ውስጥ በመቶዎች ወይንም በሺዎች የሚቆጠሩ ኢትዮጵያውያንን መግደላቸውንና በህይወት የተረፉትንም ለእስር፣ ለእንግልት፣ አስገድዶ መድፈርና ሌሎች ኢ ሰብዓዊ ድርጊቶችን ፈፅመዋል >> ሲል ወንጅሏል።

ጉዳዩን አስመልክቶም የሳውዲ የውጭ ጉዳይ ሚኒስቴር ፣ የሳዑዲ የተለያዩ ተቋማት፣ የሀገር ውስጥ ጉዳይ ሚኒስቴርና የሰብአዊ መብት ኮሚሽንን አስተያየት እንዲሰጡ ቢጠይቅም ምላሽ አለማግኘቱን ሂውማን ራይት ዎች ገልጿል፡፡

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe