ዴንማርክ ከደም መርጋት ችግር ጋር ተያይዞ የኮሮና ቫረስ ክትባት መስጠት ማቆሟ ተነገረ፡፡
————————–
የዴንማርክ የጤና ዳይሬክተር የሆኑት ሶረን ብሬስሮም በሰጡት መግለጫ በዴንማርክም ሆነ በሌሎች ክትባቱ በሚሰጥባቸው የአውሮፓ ሀገራ የተከሰቱ የጎንዮሽ ጉዳቶችን በደንብ እስክናጣራ እገዳው ለሁለት ሳምንት ተጥሏል ብለዋል፡፡
የአውሮፓ ህብረት የመድሃኒት መቆጣጠሪያ በበኩሉ የተከሰተው ክስተት ከአስትራዜኒካ ጋር የሚያገናኘው ማስረጃ የለም ሲሉ ጉዳዩን ማጣጣላቸው ተነግሯል፡፡
የአስትራዜኒካ አምራች ለሮይተርስ በፃፈው መግለጫም ክትባቱ ከመሰራጨቱ በፊት በሰዎች ላይ በደንብ ሙከራ ተደርጎል ብሏል፡፡
ሌሎች 4 ሀገራት ኢስቶኒያ፣ ሎተኒያ፣ ሉክስምበርድ እና ላቲቪያ በክትባቱ ላይ ምርመራው እስኪጠናቀቅ ክትባት መስጠት አቁመዋል ሲል ኢማሳአድ አስታውቋል፡፡ የዴንማርክ የመድሃኒቶች አቅርቦት ኤጀንሲ ከሌሎች የአውሮፓ ህብረት ሀገራት ጋር በመሆን በመድሃኒቱ ላይ ምርመራ መጀመሩን የዘገበው አልጀዚራ ነው፡፡

