በፕሮፌሰር መስፍን ወልደ ማርያም ስም ፋውንዴሽን ተቋቋመ

የተመራማሪ፣ መምኅር፣ የሰብዓዊ መብት ተሟጋች፣ ደራሲ፣ የሰላማዊ ትግል አቀንቃኝ እና የፍትሕ ተቆርቋሪ ፕሮፌሰር መስፍን ወልደ ማርያም ዕረፍት 1ኛ ዓመት መታሰቢያና በስማቸው የተቋቋመው ፋውንዴሽን ምሥረታ ይፋ ተደረገ

በአዘጋጅ ኮሚቴው እና በፋውንዴሽኑ የቦርድ ሰብሳቢ ይፋ የተደረገው የፕሮፌሰር መስፍን ፋውንዴሽን  በቀድሞው ኢንተርኮንቲኔንታል በአዲሱ አጠራር ኢንተርለግዠሪ ሆቴል፣መስከረም 29 ቀን 2014 ይፋ ተደርጓል፡፡

የፕሮፌሰር መስፍን ወልደ ማርያም ፋውንዴሽን ዋና የቦርድ ሰብሳቢ የሆኑት ዶ/ር በድሉ ዋቅጅራ እንደገለፁት ከሆነ ‹‹ በዚህ ልዩ የመታሰቢያ ፕሮግራሙ የፕሮፌሰር መስፍን ወልደ ማርያምን ስምንት አስርተ ዓመታት የተሻገረን ዘርፈ ብዙ የሕይወት ጉዞ በሥነጽሁፍ፣ በዓውደ ርዕይ፣ በሕዝባዊ ውይይትና የእርሳቸውን አስተዋፆዖ በሚያስታውሱ ወጎች ይዘክራል፡፡›› የፕሮፌሰር መስፍን ወልደ ማርያም ፋውንዴሽን ከመንግሥት፣ ከሃይማኖት፣ ከጎሳ ሆነ ከማንኛውም የፖለቲካ አመለካከት ወገንተኛነት ነፃ በሆነ መንገድ መቋቋሙን የገለፁት ዶ/ር በድሉ ድርጅቱ የፕሮፌሰር መስፍንን ምኞትና በጎ ሃሳብ የሚጋሩ ሰዎች ይህንኑ የእርሳቸውን ራዕይና የዕድሜ ልክ ድካማቸውና ሥራቸውን ለማስቀጠል ቤተሰቦቻቸው ጭምር ተሳትፈውበት የተመሠረተ መሆኑን ይፋ አድርገዋል፡፡

የዚህ ድርጅት ዋና ራዕይ ከችጋርና ድሕነት የተላቀቀች፣ ሰላም የሰፈነባት፣ ሰብዓዊ መብትና የሕግ የበላይነት የሰፈነባት ኢትዮጵያን እውን እንዲሆን አስተውጽዎ ማድረግ ነው። ሲሉ ገልፀዋል፡፡ የፋውንዴሽኑ ምክትል የቦርድ ሰብሳቢ አቶ የኔመንግስት ደምሴ በበኩላቸው ፕሮግራሙ በአገር ውስጥ እና በውጭ የሚገኙ የተለያዩ እንግዶችን ያሳተፈ ሲሆን የኮቪድን ሥርጭት ለመከላከል ታሳቢ ባደረገ መልኩ በአዳራሽ ውስጥ ከተካሄደው ሥነ ሥርዓት በተጨማሪ በቀጥታ የኦንላይን ሥርጭት በመላው ዓለም እንዲዳረስ ተደርጓል ብለዋል፡፡ በአገር ውስጥ እና በውጭ የሚኖሩ ታላላቅ ምኁራን፣ አንጋፋ እና ወጣት የጥበብ ሰዎች፣ የሰብዓዊ መብት ተሟጋቾች፣ የሰብዓዊ መብት ተቋማት አመራሮች፣ ገጣሚያን፣ የጥበብ ባለሙያዎች፣ የቀድሞ የሥራ ባልደረቦቻቸውና ተማሪዎቻቸው እንዲሁም ሌሎችም አገር ወዳድ ኢትዮጵያውያን በተገኙበት የተካሄደውን ልዩ የመታሰቢያ ፕሮግራም  ላይ  ዶ/ር ዳንኤል በቀለ፤ የኢትዮጵያ ሰብዓዊ መብቶች ኮሚሽን ኮሚሽነር፣ ሚስተር ሀሰን ሺሬ፤ የምስራቅ እና የአፍሪቃ ቀንድየ ሰብዓዊ መብትተሟጋቾች ጥምረት ሊቀመንበር፣ አቶ መለስካቸው አምኃ የኢሰመጉ ሊቀመንበር እና አርቲስት ደበበ እሸቱ፣ ዶ/ር በፍቃዱ ደግፌ፣ ፕሮፌሰር ደሳለኝ ራኽማቶ የመግቢያ ንግግር እና ጥናታዊ ወረቀትን በዚሁ ፕሮግራም ቀርቧል፡፡

በመታሰቢያ ፕሮግራሙ በተለይ ‹‹ሰላምና የግጭት አፈታት ተሞክሮዎች፟ በኢትዮጵያ፣ የፕሮፊሰር መስፍን የሰላማዊ ትግል መርሆዎችና ምላሽ ያላገኙ የሰላም ጥሪዎች›› የሰብአዊ መብቶች፤ የህግ የበላይነት እና የማህበራዊ ፍትሕ መከበር ጥያቄ በኢትዮጵያ (የኢሰመጉልደት፤ እድገት፡ ተጋድሎና የፕሮፌሰርመስፍን ሚና)፣ ኢትዮጵያን ከድህነትና ከችጋር ለማላቀቅ የተደረጉ ጥረቶችና ቀጣይ ተግዳሮቶች፣ በሚሉ ጥናተዊ ርዕሰ ጉዳዮች ዙሪያ ሰፊ  ውይይት ተካሂዷል፡፡

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe