ቡና ባንክ ላለፉት ወራት ሲያካሂድ በቆየው ሁለተኛው ዙር የመምህራን እና የጤና ባለሞያዎች “ይቆጥቡ ይሸለሙ” መርሃግብር አሸናፊ ለሆኑ ዕድለኞች እና አስረኛውን ዙር “የውጭ ምንዛሬ ይቀበሉ ፣ይመንዝሩ ይሸለሙ” መርሃ ግብር ማጠናቀቂያ ምክንያት በማድረግ የሽልማት ዕጣ ለወጣላቸው ደንበኞቹ ያዘጋጃቸውን ሽልማቶች አስረክቧል።
ባንኩ ሃምሌ 28 ቀን 2014 ዓ.ም በጊዮን ሆቴል ባካሄደው በዚሁ የሽልማት አሰጣጥ ስነስርዓት ላይ የ10ኛው ዙር የውጭ ምንዛሪ የዕጣ አሸናፊዎች ለሆኑት ዕድለኞች የ2021 የቤት አውቶሞቢል፣ የልብስ ማጠቢያ ማሽኖች ፣ ማቀዝቀዣዎች፣ የውሃ ማጣሪያዎች፣ ፍላት ስክሪን ቴሌቪዠኖች እና ስማርት ስልኮችን በሽልማት ያበረከተ ሲሆን ለአሸናፊ መምህራን እና የጤና ባለሞያዎች ደግሞ ዘመናዊ 2021 ሞዴል ሱዙኪ ዲዛየር መኪናን ጨምሮ 12 ዘመናዊ ላፕቶፖች፣ 12 ታብሌቶች፣ 24 ስማርት የሞባይል ስልክ ቀፎዎች እና 6 የእረፍት ጊዜ ሽርሽር ሙሉ ወጪ የተሸፈነላቸው የታሪካዊ ቦታዎች ጉብኝት ፓኬጆችን በሽልማት አስረክቧል።
ከባንኩ ተሸላሚዎች መሀከል ልዩ ዕድለኞች የሚገኙበት ሲሆን የአንዳንዶቹ ታሪክ ይህንን ይመስላል፤
1. ዶክተር ሜሮን ዘለቀ በሙያቸው ህዝብን የሚያገለግሉ የህክምና ባለሙያ ናቸው። ቡና ባንክ ለመምህራንና ለጤና ባለሙያዎች ማበረታቻ ሽልማቶችን ጨምሮ በቀረጸው የይቆጥቡ ይሸለሙ መርሃ ግብር ተሳታፊ ከሆኑ ቆየት ብለዋል። ዶክተር ሜሮን ሳያቋርጡ በመቆጠባቸው ህይወታቸውን በዕቅድ ለመምራት ከመቻላቸው በላይ ዕድል ደጃቸው ድረስ መጥታ በሽልማት አንበሽብሻቸዋለች። ዶክተር ሜሮን የ2ኛው ዙር የመምህራንና የጤና ባለሙያዎች ቁጠባና ሽልማት መርሃ ግብር ማጠቃለያ ላይ በብሄራዊ ሎተሪ አዳራሽ ዕጣ ሲወጣ ሳያቋርጡ ቁጠባ በማድረጋቸው ብቻ የአንድ ዘመናዊ ላፕቶፕ እና ሁለት ስማርት የሞባይል ቀፎዎች በድምሩ የሶስት ሽልማቶች አሸናፊ በመሆን ሁሉንም አስደንቀዋል። በስራ ምክንያት በሽልማት አሰጣጥ ስነስርዓቱ ላይ ላልተገኙት ዶክተር ሜሮን ሽልማቶቹን ለተወካያቸው አስረክቧል።
2. መምህር ስለሺ ወንድምአገኝም እንዲሁ በአንድ መርሃ ግብር የሁለት ዕጣ አሸናፊ ናቸው። “ቡና ባንክ ለመምህራንና የጤና ባለሙያዎች ክብር በመስጠት በስማችን የቁጠባ መርሃ ግብር በመዘርጋቱ ብቻ ላመሰግን እወዳለሁ” ይላሉ መምህር ስለሺ። እነሆ ቡና ባንክ ለርሳቸውና ለሙያ አጋሮቻቸው በቀረጸው 2ኛ ዙር የይቆጥቡ ይሸለሙ መርሃ ግብር ተሳታፊ በመሆን የአንድ ዘመናዊ ታብሌትና የአንድ ስማርት ሞባይል ስልክ ተሸላሚ ሆነዋል።
3. ወ/ሮ የምስራች አባተ ከውጭ የተላከላቸውን ገንዘብ በቡና ባንክ ቅርንጫፎች በመቀበላቸው ብቻ ባንካችን የሸለማቸው የአዲስ አበባ ነዋሪ ናቸው። ወይዘሮ የምስራች በተጠናቀቀው 10ኛው ዙር የውጭ ምንዛሪ ይቀበሉ ይሸለሙ መርሃ ግብር ወቅት ከወዳጅ ዘመድ ገንዘብ ሲላክላቸው ‘በቡና ላኩልኝ’ በማለታቸውና ገንዘባቸውን ለመቀበል ወደቅንጫፎቻችን ደጋግመው በመምጣታቸው ዕድል መረጠቻቸውና በአንድ መርሃ ግብር አንድ እጅግ ዘመናዊ ማቀዝቀዣና እና አንድ ስማርት የሞባይል ቀፎ ሽልማቶችን አሸንፈው ከቡና ባንክ ተረክብዋል።
4. አቶ ትዕዛዙ ነጋሽ አራተኛው የቡና ባንክ ልዩ ተሸላሚ ናቸው። አቶ ትዕዛዙ እንደወይዘሮ የምስራች ሁሉ ከውጭ የተላከላቸውን ገንዘብ በተደጋጋሚ ጊዜ በመቀበላቸውና በመመንዘራቸው ባንካችን ባዘጋጀው የ10ኛው ዙር ይቀበሉ ይመንዝሩ መርሃ ግብር የሽልማት ዕጣ ቁጥሮች ተልከውላቸው ነበር። ዕጣው በወጣበት ዕለትም አቶ ትዕዛዙ የአንድ ዘመናዊ የልብስ ማጠቢያ ማሽን እና የአንድ ስማርት የሞባይል ስልክ ቀፎ ዕድለኛ በመሆናቸው እነሆ ሽልማታቸውን በይፋ ተረክበዋል።

