አሜሪካዊው ፍርደኛ በናይትሮጂን ጋዝ በሞት በመቀጣት የመጀመሪያው ሰው ሆነ!

በግድያ ወንጀል ጥፋተኛ የተባለው ኬነት ዩጂን ስሚዝ በአሜሪካ በናይትሮጂን ጋዝ የሞት ቅጣት የተፈጸመበት የመጀመሪያው ሰው ሆነ።በአልባማ ግዛት የሞት ቅጣቱ የተፈጸመው።የ58 ዓመቱ ኬነት አንድ ግዜ ለፌደራል ፍርድ ቤት፤ ሁለት ግዜ ደግሞ ለጠቅላይ ፍርድ ቤት በናይሮጂን ጋዛ የሞት ቅጣት መፈጸም ጭካኔ የተሞላበት እና ከዚህ ቀደም ተሞክሮ የማያውቅ ነው ሲል ያቀረበው አቤቱታ ተቀባይነት አላገኘም።

እአአ በ2022 የአልባማ ግዛት ግለሰቡን በመርፌ በሞት ለመቅጣት ያደረገው ሙከራ ደም ስሩን ማግኘት ባለመቻላቸው ሳይሳካ ቀርቶ ነበር።ግለሰቡ በ1989 በቅጥረኛ ገዳይነት ተሰማርቶ የሰባኪ ሚስት ገድሎ ነበር የተከሰሰው።እንደ ዴዝ ፔናሊቲ ኢንፎርሜሽን ሴንተር ከሆነ ግለሰቡ በአሜሪካ ብቻ ሳይሆን በመላው ዓለም በናይሮጂን ጋዛ ዘዴ የተገደለ የመጀመሪያው ሰው ሆኗል።

ናይትሮጂንን ለገድያ ለመጠቀም አልባማን ጨምሮ አንድ የአሜሪካ ግዛትም ፈቅዷል።የኬነት ግድያ ሲፈጸም አምስት ጋዜጠኞች ተገኝተዋል።ኬነትም “ዛሬ አልባማ ሰብአዊነትን ወደኋላ የጎተተችበት ቀን ነው። ስለደገፋችሁኝ አመሰግናለሁ። ሁላችሁንም እወዳችኋላሁ” ብሏል።ቢያንስ ከሁለት እስከ አራት ደቂቃ እንደተንፈራገጠ የዐይን እማኞች ተናግረዋል።ናይትሮጂን ያለ ኦክስጅን ወደሰውነት ሲገባ በደም ሕዋሳት ላይ ጉዳት አድርሶ ሞት ያስከትላል።

የአልባማ አገረ ገዥ ኬይ ሌቪ ግድያው ሲፈጸም ለመገኘት አልፈቀዱም።“ከ30 ዓመታት ሙከራ በኋላ ለአስከፊ ወንጀሉ ተቀጥቷል” ሲሉ ግን ገልጸዋል። የተገደለችው ኤልዛቤት ሴኔት ቤተሰቦች በስተመጨረሻ እረፍት እንደሚያገኙም አክለዋል።ስሚዝ የ45 ዓመቷን ኤልዛቤት አንድ ሺህ ዶላር ተከፍሏቸው ከገደሏት ሁለት ወንጀል ፈጻሚዎች መካከል አንዱ ነው።

ተደብድባ ደረቷ እና አንገቷ ላይ በጩቤ ተወግታ ሕይወቷ አልፏል። ሕይወቷ ያለፈው በቤት ዘረፋ ወቅት እንዲመስል ተሞክሮ ነበር።በዕዳ የተዘፈቀውና ሰባኪ የነበረው ባለቤቷ የኢንሹራንስ ገንዘብ ለማግኘት ግድያውን ማስፈጸሙ ታውቋል። መርማሪዎች ሊደርሱበት መሆኑን ሲያውቅ ራሱን አጥፍቷል።ከኬነት ጋር በተባባሪነት ወንጀሉን የፈጸመው ጆን ፎረስት ፓርከር በ2010 በሞት ተቀጥቷል።

 

SourceVia BBC

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe