አንድ እንቁላል 8 ብር እየተሸጠ ባለባት በኢትዮጵያ አለም አቀፍ የእንቁላል ቀን ተከበረ፤

ቀኑ እንቁላልን በመመገብ የተሻለ እንኑር /Eat more egg live better/ በሚል መሪ ቃል መከበሩን አሐዱ ከግብርና ሚኒስቴር ያገኘው መረጃ ያሳያል፡፡

የበዓሉ መከበር ዋና አላማ እንቁላልን ማምረትና መመገብ ያለውን ጠቀሜታ ለኅብረተሰቡም ሆነ ለሀገሪቱ ያለው አስተዋጽኦ ከፍተኛ መሆኑን ግንዛቤን ለማስፋፋትና በዚህም ረገድ የዶሮ አርቢዎችን ለማበረታታት ነው ተብሏል፡፡

እንዲሁም በዘርፉ ያሉ ተግዳሮቶችን በመወያየት የመፍትሄ ሀሳብ ለማቅረብ እንደሆነ በግብርና ሚኒስቴር የዶሮ ሀብት ልማት ዳይሬክቶሬት ዳይሬክተር ጽጌረዳ ፍቃዱ መናገራቸውን አሐዱ ራዲዮ ዘግበኗል፡፡

በመድረኩ የዶሮ ሀብት ልማት ነባራዊ ሁኔታ እና የምግብና የተመጣጠነ የምግብ ዋስትና ለማረጋገጥ የዶሮ ምርቶች ያላቸዉ አስተዋጽኦ በሚል ርእስ የመወያያ ፅሁፎች ቀርበዋል፡፡

እንቁላል ከፍተኛ ፕሮቲን ካላቸው ምግቦች አንዱ እንደመሆኑ መጠን በአገራችን ያለዉን የህፃናት መቀንጨርና መቀጨጭ ችግርን ለመቅረፍ እንዲሁም በቤተሰብ ደረጃ የተስተካከለ የምግብ ስርዓት እንዲኖር እንቁላልን መመገብ ከፍተኛ ጠቀሜታ እንዳለዉ ቴዎድሮስ ግርማ በግብርና ሚኒስቴር የምግብና ስርአተምግብ አማካሪ ባቀረቡት ፅሁፍ ገልጸዋል፡፡

በዉይይቱ ላይ በፍላጎት እና አቅርቦት መካከል ያለዉን ልዩነት ለማስተካከል የመኖ አቅርቦት፣ የተሻሻሉ የዶሮ ዝርያዎችን ማቅረብ እና በዘርፉ ሰፊ የስራ እድል በመፍጠር ወጣቶች በስራ ዉስጥ በስፋት እንዲሳተፉ ነባር እንዲሁም የዶሮ እርባታ ተቋማትን አቅም ማሳደግ ላይ በትኩረት መሰራት እንዳለበት ተሳታፊዎች ገልፀዋል፡፡

በኢትዮጵያ የአንድ እንቁላል ዝቅተኛው ዋጋ   8 ብር መሆኑ የሚታወቅ ነው፡፡

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe