ወንጪ ሐይቅ ምርጥ የቱሪዝም መንደር ሆኖ ተመረጠ

በስፔን ማድሪድ እየተካሄደ በሚገኘው በ24ኛው የዓለም የቱሪዝም ድርጅት ጠቅላላ ጉባኤ ላይ ወንጪ ሐይቅ የ2021 ምርጥ የቱሪዝም መንደር ሆኖ ተመረጠ።

በኦሮሚያ ክልል ደቡብ ምዕራብ ሸዋ የሚገኘው ወንጪ ሐይቅ ከ170 የቱሪዝም መንደሮች መካከል ቀዳሚ ሆኖ መመረጡ በጉባኤው ላይ ይፋ ተደርጓል።

የቱሪዝም ሚኒስትር አምባሳደር ናሲሴ ጫሊ እንደተናገሩት፤ ድንቅ የተፈጥሮ ሃብት ባለቤት የሆነው የወንጪ ሃይቅ ምርጥ የቱሪዝም መንደር ሆኖ የተመረጠው ባለው ዕምቅ የተፈጥሮ ሃብት ነው።

ወንጪ ሐይቅ ምርጥ የቱሪዝም መንደር ሆኖ በመመረጡ ‘እንኳን ደስ ያለን’ ያሉት ሚኒስትሯ፤ የአካባቢውን የተፈጥሮ ጸጋ ተንከባክበው ለዚህ እንዲበቃ ላስቻሉት የአካባቢው ነዋሪዎችና ሌሎች ባለድርሻ አካላት ምስጋና አቅርበዋል።

ለተፈጥሮ ሃብቱ እንዲህ ዓይነት ዓለም ዓቀፍ እውቅና መሰጠቱ ለሌሎችም አርዓያ የሚሆንና የበለጠ ለመስራት የሚያነሳሳ መሆኑን ጠቅሰዋል።

መንግስት ከፍተኛ ትኩረት ከሰጣቸው ዘርፎች መካከል አንዱ ቱሪዝም መሆኑን ገልጸው፤ ማህበረሰብ ተኮር የሆኑ ዘላቂ የቱሪዝም ልማት ስራዎች እንደሚሰሩ አመላክተዋል።

በቱሪዝም ሚኒስትር ዴኤታ ወይዘሮ ሰላማዊት ዳዊት የተመራ የኢትዮጵያ ልዑክ በ24ኛው የዓለም የቱሪዝም ድርጅት ጠቅላላ ጉባኤ ላይ እየተሳተፈ መሆኑን ኢዜአ ዘግቧል።

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe