የተሸከርካሪ ሽያጭ እና ኢንሹራንስን ጨምሮ ሁሉንም አገልግሎት በአንድ ማዕከል የሚሰጥ ፕሮጀክት ይፋ ሆነ

ሁሉ አቀፍ የተሸከርካሪ አገልግሎቶችን በአንድ ማዕከል የሚሰጥ በ50 ሄክታር መሬት ላይ የሚያርፍ ፕሮጀክት ፀድቆ ወደስራ ሊገባ መሆኑን የአዲስ አበባ ከተማ አስተዳደር መንግስትና የግል አጋርነት ፅ/ቤት አስታውቋል፡፡

ፕሮጀክቱ በመንግስት የግል አጋርነት የሚሰራ ሲሆን በተበታተነ መልኩ ሲሰጥ የነበረውን የተሸከርካሪ ሽያጭ፣ የባንክና ኢንሹራንስ፣ውል እንዲሁም ቦሎ ና የመሳሰሉትን የከተሸከርካሪ አገልግሎቶችን በአንድ መዓከል ለመስጠት የሚያስችል መሆኑን የተናገሩት የአዲስ አበባ ከተማ አስተዳደር መንግስትና የግል አጋርነት ፅ/ቤት የኮሚኒኬሽንና የአቅም ግንባታ ጉዳይዎችች ከፍተኛ አማካሪ ዋጋዬ ተስፋዬ ናቸው፡፡

ከዚህ ቀደም በነበረው አሰራር አንድ ተሽከርካሪ ገዥው እጅ እስኪገባ ድረስ ይወስድ የነበረውን የገንዘብና የጊዜ ብክነት ይቆጥባል ብለዋል፡፡
ማዕከሉ አገልግሎት በአዲስ ተሸከርካሪ ብቻ ሳይወሰን የፍተሻ፣ ጥገና እንዲሁም ሙሉ የጋራዥ ስራዎች የሚሰራበት ይሆናል ሲሉም ጠቁመዋል፡፡
ለዚህ አገልግሎት የሚውለውን 50 ሄክታር መሬት መንግስት የሚያቀርብ ሲሆን በቅርቡ ወደ ስራ እንደሚገባ አማካሪው ገልፀዋል፡፡

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe