የኢትዮጵያ ሰብአዊ መብቶች ኮሚሽን  የከረዩ 14 አባ ገዳዎች ላይ ለተፈጸመው ግድያ የወንጀል ተጠያቂነትን በእርቅ ሂደት ለመተካት የሚያደርገውን እንቅስቃሴ ተቸ፤

የኢትዮጵያ ሰብአዊ መብቶች ኮሚሽንየኦሮሚያ ክልላዊ ኮሚሽን  የከረዩ 14 አባ ገዳዎች ላይ ለተፈጸመው ግድያ የወንጀል ተጠያቂነትን በእርቅ ሂደት ለመተካት የሚያደርገውን እየኦሮሚያ ክልላዊንቅስቃሴ ተቸ፤

የእርቅ ሂደቱ የወንጀል ተጠያቂነትን መተካት ወይም ማስተጓጎል የለበትም ብላል፤

የኢትዮጵያ ሰብአዊ መብቶች ኮሚሽን የከረዩ የሚችሌ ገዳ የጅላ አባላት ግድያ ላይ ያደረገውን የምርመራ ሪፖርት ጥር 25 ቀን 2014 ዓ.ም. ይፋ በማድረግ የኦሮሚያ ክልላዊ መንግሥት በጅላ አባላቱ ላይ ግድያ የፈጸሙና ያስፈጸሙ አባላት ላይ ተገቢ የሆነ የወንጀል ምርመራ ተደርጎ ተጠያቂነት እንዲረጋገጥ እና ለተጎጂ ቤተሰቦች ተገቢ የሆነ ካሳ እንዲከፈላቸው ምክረ ሃሳብ ማቅረቡ ይታወሳል፡፡

ይህንኑ የኮሚሽኑ ጥሪ ተከትሎ  መንግሥት ፖሊስ ኮሚሽን ጉዳዩን በመመርመር ተጠያቂነትን ለማረጋገጥ የሚሰራ መሆኑን አስታውቆ ምርመራ ቢጀምርም የወንጀል ተጠያቂነትን በእርቅ መተካት የለበትም ሲል ኮሚሽኑ ማምሻውን ባወጣው መግለጫ ተችቷል፤

ኮሚሽኑ የምርምራ ሂደቱን ሲከታተል መቆየቱን ገልፆ በአንድ በኩል በአካባቢው ማኅበረሰብ በግድያው ላይ ተሳትፎ ያላቸው መሆኑን የተጠቆሙ፣ አልያም በድርጊቱ ዋነኛ ፈጻሚ ናቸው ተብለው የተጠረጠሩ ሰዎች ገና በቁጥጥር ስር ያልዋሉ ወይም ምርመራ እየተደረገባቸው አለመሆኑን  ኮሚሽኑ ተገንዝቧል ብሏል።

ከእነዚህ ተጠርጣሪዎች ውስጥ የተለያዩ የመንግሥት የሥራ ኃላፊነት ቦታዎች ላይ የሚገኙ ጭምር ያሉ በመሆናቸው በምርመራ ሂደቱ ላይ ጫና እያደረሱ መሆናቸውን የገለፀው ኮሚሽኑ  ለሂደቱ አስፈላጊ ድጋፍ ማድረግ የሚገባቸው የፀጥታ እና የአስተዳዳር አካላትም ሥራው በሚፈለገው ፍጥነት እንዲጠናቀቅ በቂ ትብብር እያደረጉ እንዳልሆነ ተዓማኒ የመረጃ ምንጮች ለኮሚሽኑ አስረድተዋል፡፡ በሌላ በኩል የምርመራ ሂደቱን በተመለከተ፣ በቁጥጥር ስር የዋሉ ተጠርጣሪዎች በሕግ በተቀመጠው የጊዜ ገደብ ውስጥ ፍርድ ቤት ያልቀረቡ መሆኑን ኮሚሽኑ ተረድቷል፡፡

መንግሥት በሕዝቡ ላይ የተፈጠረውን ቅሬታ በእርቅ እንዲፈታ ጥረት ማድረጉ ተገቢ ቢሆንም የእርቅ ሂደቱ የወንጀል ተጠያቂነትን ለማረጋገጥ የሚደረገውን ጥረት ሊያስቀር ስለማይችል የሕግ ተጠያቂነት ሂደቱ ሊደናቀፍ አይገባም ብሏል፡፡

ተጠያቂነትንና የሕግ የበላይነትን ለማረጋገጥ የሚወሰዱ የሕግና የወንጀል ምርመራ እርምጃዎችን በአካባቢዎች ባሕልና ልማድ መሰረት በሚደረጉ የእርቅ ሂደቶች መደገፍ በአንዳንድ ሁኔታዎች የተለመደ ሂደት ቢሆንም፣ የዚህ አይነቱ አሰራር በተጎጂዎች፣ በተጎጂዎች ቤተሰቦችና በአካባቢው ማኅበረሰብ ሙሉ ፈቃድና ተሳትፎ ሊሆን ይገባል ብሏል።

የክልሉ መንግሥት ፕሬዚዳንተ አቶ ሽመልስ አብዲሳ በትላንትናው ዕለት በተጠናቀቀው የጨፌ ኦሮሚያ ምክር ቤት ስብሰባ ላይ  ከወንጀል ምርመራ ሥራ ጎን ለጎን በኦሮሚያ ክልል የአባገዳዎች ምክር ቤት አስተባባሪነት በክልሉ መንግሥት እና በከረዩ ማኅበረሰብ የሀገር ሽማግሌዎች መካከል ሽምግልና እየተካሄደ መሆኑን መግለፃቸው ይታወሳል፤

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe