የኢትዮጵያ አየር መንገድ ዋና ሥራ አስፈጻሚ ተወልደ ገብረማርያም “በአየር እቃ ጭነት አገልግሎት አመራር” ዘርፍ ተሸለሙ

የኢትዮጵያ አየር መንገድ ግሩፕ ዋና ስራ አስፈፃሚ ተወልደ ገብረማርያም “Flight Global” መስከረም 17 ቀን 2014 በለንደን ባዘጋጀው የአየር መንገዶች የቢዝነስ ስትራቴጂ ሽልማት ላይ “በአየር እቃ ጭነት አገልግሎት አመራር” ዘርፍ ተሸላሚ ሆነዋል።

ዋና ስራ አስፈፃሚው ወረርሽኙ በተከሰተበት ወቅት ላደረጉት የሚመሰገን የአየር እቃ ጭነት አገልግሎት አመራር ነው የኢትዮጵያ አየር መንገድን በመወከል የተሸለሙት።

ሽልማቱ በኮቪድ 19 ቀውስ ወቅት በዋና ሥራ አስፈፃሚው በኩል የተሰጡ የአየር መንገዱ ቀልጣፋ ስልቶችና የችግር አመራሮችን ዕውቅና ለመስጠት የተዘጋጀ ነው።

የንግድ ሥራ አፈፃፀም፣ የአውታረ መረብ ስትራቴጂና በችግሩ ጊዜ ያለው የፈጠራ አስተሳሰብ ለሽልማቱ ቁልፍ ከሆኑት መስፈርቶች መካከል ይገኙበታል።

ዋና ሥራ አስፈጻሚው “Flight Global እና የአየር መንገዶች የቢዝነስ ስትራቴጂ ሽልማት ዳኛ ፓነል የእኛን ልዩ የችግር አያያዝ ችሎታዎች፣ ቅልጥፍናን፣ የውሳኔ አሰጣጥን ፍጥነት፣ የፈጠራ ችሎታን እና የመቋቋም አቅማችንን አይተው ይህን ሽልማት በማግኘቴ በጣም ተደስቻለሁ።” ያሉ ሲሆን፤ በአጠቃላይ በዓለም ላይ የተከሰተው ዓለም አቀፍ ወረርሽኝ ግዙፍነት እና ውድመት ቢኖረውም በኢትዮጵያ አየር መንገድ በኩል ቀውሱን በተሳካ ሁኔታ ወደ ዕድል መቀየሩን ተናግረዋል።

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe