የኢትዮ-ሱዳንን የድንበር ውዝግብ በሠላማዊ መንገድ ለመፍታት ዲፕሎማሲያዊ ጥረቶች ተጠናክረዋል – አምባሳደር ዲና ሙፍቲ

የኢትዮጵያና የሱዳንን የድንበር ውዝግብ በሠላማዊ መንገድ ለመፍታት ዲፕሎማሲያዊ ጥረቶች ተጠናክረው መቀጠላቸውን የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ገለጹ።

አምባሳደር ዲና ዛሬ በሰጡት መግለጫ የኢትዮጵያና ሱዳንን የድንበር አለመግባባት በሠላማዊ መንገድ ለመፍታት ጥረት እየተደረገ መሆኑን ተናግረዋል።

ይህንንም ለመደገፍ የአገራቱን ግንኙነትና የድንበር ሁኔታ በተመለከተ ባለሙያዎች የተሳተፉበት ዐውደ ጥናት መካሄዱን ገልጸዋል።

በአውደ ጥናቱ ለዘመናት የዘለቀው የአገራቱ ታሪካዊ የሁለትዮሽ፣ የሕዝብ ለሕዝብ፣ የእምነትና የባህል ግንኙነቶችን የተመለከቱ ጉዳዮች መነሳታቸውን ጠቁመው  ከዛ ጎን ለጎንም አሁን የገጠማቸው የድንበር አለመግባባትና እስካሁን ችግሮቹን ለመፍታት የተሄደባቸው ርቀቶች ትኩረት ተደርጎባቸዋል ብለዋል።

በተለይም በተቋማት ደረጃ የተከናወኑ ሥራዎችን በዝርዝር የተመለከተው ዐውደ ጥናቱ የኢትዮጵያ አቋም እስካሁን ሠላማዊ መንገድ የተከተለ እንደነበር ገልጸዋል።

በአንጻሩ የሱዳን አካሄድ ትክክል እንዳልሆነ፤ አሁንም የያዘችውን መሬት መልቀቅ እንደሚገባት የጋራ አቋም መያዙን ተናግረዋል።

ያም ሆኖ ኢትዮጵያ የጋራ ጥቅምን በማስከበር አለመግባባቱን በሠላማዊ መንገድ ለመፍታት ዲፕሎማሲያዊ ጥረቷን እንደምትቀጥል ገልጸዋል።

በሌላ በኩል የዜጋ ተኮር ዲፕሎማሲን በተመለከተ ባለፈው ሳምንት 916 ስደተኞች ከተለያዩ አገራት ወደ አገራቸው መመለሳቸውን አስታውቀዋል።

በትግራይ ክልልም የሠብዓዊ ድጋፍ ሥራዎች እየተስፋፉና ከዚህ ቀደም ያልተደረሱ ሥፍራዎች እየተደረሰ መሆኑን ተናግረዋል።

“በክልሉ የሠብዓዊ ድጋፍ ኮሪደር አልተከፈተም” እየተባለ የሚሰራጨው መረጃም መሬት ላይ ካለው ሃቅ ጋር እንደማይመሳሰል ቃል አቀባዩ አንስተዋል።

ፕሬዚዳንት ሣህለወርቅ ዘውዴ ወደ ታንዛንያና ኮንጎ ዴሞክራሲያዊት ሪፐብሊክ ያደረጉት ጉብኝት ውጤታማ እንደነበረም ጠቅሰዋል።

Sourceኢዜአ
Kumneger Media
Kumneger Media
Kumneger Media is a News and Entertainment Website & Channel. Kumneger Media in addition to News and Entertainment it is the hub of Politics, Movies, Drama, Music, Comedy, Documentary and More!

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe