ትውልደ ኢትዮጵያዊው ታዳጊ ተመራማሪ ሄማን በቀለ በታይም መጽሔት ‘የዓመቱ ታዳጊ ሳይንቲስት’ ተብሎ ተሰይሟል፤የቆዳ ካንሰርን ማከምና መከላከል የሚችል ሳሙና ለመስራት ምርምር በማድረግ ላይ የሚገኘው ትውልደ ኢትዮጵያዊው ሄማን በቀለ በታይም መጽሔት የዓመቱ የላቀ ተጽዕኖ ፈጣሪ ታዳጊ ነው የተባለው።
ሄማን ባለፈው ጥቅምት ወር ከምርምር ስራው ጋር በተያያዘ በተካሄደ የወጣት ሳይንቲስቶች ውድድር ላይ ተሳትፎ 25ሺ ዶላር መሸለሙን ይታወሳል።የ15 ዓመቱ ትውልደ ኢትዮጵያዊ ታዳጊ ሄማን በቀለ በአሜሪካ ቨርጂኒያ የሚኖር ሲሆን፣ የ10ኛ ክፍል ተማሪ ነው።
ሄማን በቀለ ገና የ7 አመት ታዳጊ እያለ ነው “መርዝ ነው” ሲል በጠራው ፈሳሽ አደጋ የደረሰበት። በዛን ጊዜ ለሦስት ዓመታት ያህል የራሱን የሳይንስ ሙከራዎችን ሲያካሂድ ነበር ያገኘው፡፡ በቤት ውስጥ ማግኘት የሚችለውን ፈሳሽ ሁሉ በማደባለቅ እና ውጤቱ ወደ ማንኛውም ነገር እንደሚለወጥ በትጋት ይጠባበቅ ነበር፡፡
ያኔ ስለሚጠቀምባቸው ንጥረ ነገሮች ሲናገር “የእቃ ማጠቢያ ሳሙና፣ የልብስ ማጠቢያ ሳሙና እና የተለመዱ የቤት ውስጥ ኬሚካሎች ነበሩ” ብሏል። ግን ብዙም ሳይቆይ ነገሮች በዘፈቀደ መደባለቁን እየቀነሰ መጣ። የገና ሰሞን ከ7ኛ ልደቱ በፊት ሄማን ከሶዲየም ሃይድሮክሳይድ ናሙና ጋር የመጣ የኬሚስትሪ ስብስብ አገኘ። በዚያን ጊዜ በሙከራው ላይ ኬሚካላዊ ግብረመልሶችን ይፈልግ ነበርና አሉሚኒየም እና ሶዲየም ሃይድሮክሳይድ በአንድ ላይ ከፍተኛ መጠን ያለው ሙቀት ሊፈጥሩ እንደሚችሉ ያውቅ ነበር። ይህም ምናልባት ወደፊት ጥሩ ነገር ማድረግ እንደሚችል እንዲያስብ አድርጎታል።
ከዚያ በኋላ ወላጆቹ በቅርበት ይመለከቱት ነበር። 15 ዓመት የሆነው ሄማን በእነዚህ ጊዜአት ብዙ ሰዎች ለእሱ ትኩረት እየሰጡት መጡ፡፡ የዚያ ስኬት አንድ ቀን የቆዳ ካንሰርን ለማከም እና እንዲያውም ለመከላከል የሚያስችል ሳሙና መፈልሰፍ እንደሆነ አሳየ። እርግጥ እንዲህ ዓይነቱን ምርት ወደ ገበያ ማምጣት ዓመታት ሊወስድ ይችላል ፣ ግን በዚህ ክረምት ሄማን ሕልሙን እውን ለማድረግ በባልቲሞር በሚገኘው የጆንስ ሆፕኪንስ ብሉምበርግ የህዝብ ጤና ትምህርት ቤት በላብራቶሪ ውስጥ በመስራት የእያንዳንዱን የስራ ቀን ከፊሉን እያሳለፈ ነው። በትምህርት ቤት የምርምሩ በክፍለ–ጊዜ ውስጥ “ለቆዳ ካንሰር ምርምር በጣም እጓጓለሁ” ይላል፡፡ እናም ሄማን የ2024 የTIME መጽሄት የአመቱ ምርጥ ልጅ ተብሎ እውቅ አገኘ።
በ4 ዓመቱ ከቤተሰቦቹ ጋር ወደ አሜሪካ ከመሄዱ በፊት አዲስ አበባ ውስጥ የተወለደው ሄማን አንዳንድ ትዝታዎቹ በጠራራማ ጸሃይ ውስጥ የሚሰሩ የጉልበት ሰራተኞች ላይ ያለውን የጤና ችግር ያስታውሳል። ወላጆቹ እሱን እና እህቶቹን የ16 ዓመቷ ሃሴት እና የ7 ዓመቷ ሊያን ይዘው ወደ አሜሪካ ሲመጡ ከቤት ውጭ ብዙ ጊዜ ያለፀሐይ መከላከያ ወይም ያለ ትክክለኛ ልብስ ስራ መስራት የሚያስከትለውን አደጋ አስረድተቸዋል። ሄማን “በወጣትነቴ ወደ አሜሪካ ስመጣ, ለረጅም ጊዜ ለፀሐይ እና ለአልትራቫዮሌት ጨረሮች መጋለጥ ትልቅ ችግር እንዳለባቸው ተገነዘብኩ” ይላል፡፡
ሄማን ቤተሰቦቹን በተለይም ወላጆቹን ለስኬቶቹ መድረክ ስላዘጋጁ ምስጋናቸውን ያቀርባል። እናቱ ሙሉእመቤት መምህር ናቸው፤ አባቱ አቶ ወንድወሰን የአሜሪካ ዓለም አቀፍ ልማት ኤጀንሲ የሰው ሀብት ስፔሻሊስት ናቸው። የእነርሱ መስዋዕትነት ለስኬት እንዳበቃው ይናገራል፡፡
የሄማንን የቆዳ ጤንነት የምርምር ማዕከል የሚመሩት ፕ/ር ቪቶ ሬቤካ ደረጃውን የጠበቀ የቤተሙከራ አገልግሎት እንዲያገኝ ከማድረግ ጀምሮ ከፍተኛ ድጋፍ እድርገውለት በቅርቡ በቦስተን ‘የመጪው ዘመን ሳይንቲስቶችና ህክምና ባለሙያዎች’ አካዳሚ፣ 8ሺህ ሰዎች በተገኙበት መድረክ ስራውን አቅርቦ ከፍተኛ አድናቆትን ሊቀዳጅ ችሏል፡፡
ፕ/ር ሬቤካም ስለእዚህ ምርምሩ ሲናገሩ ምናልባት አስፈላጊውን የቤተሙከራ ሂደት አልፎና አስተማማኝነቱ ተረጋግጦ ሳሙናው ገበያ ላይ ለመቅረብ ቢያንስ አንድ አስርት አመትን ሊፈጅ ቢችልም፣ ያኔም እሱ 25 ዓመት ገደማ ስለሚሆነው ወጣቱ ባለግኝት ያደርገዋል ብለዋል፡፡
ይህ ምርምሩ ለየት የሚያደርገው ደግሞ በዝቅተኛ ዋጋ ሁሉም ሊያገኘው እንዲችል ማለሙ ነው፤ ፕ/ሯ ይህን የታዳጊውን ስብዕና ሲገልጹትም selfless ብለውታል፡፡ ዘገባውን የሰራችው የታይም ሪፖርተሯ ጁሊያን ዞርቲያን ታዲያ ሄርመን በ15 ዓመቱ ይህን ስኬት ቢጎናጸፍም እሱ ግን ቀለል እድርጎት “ይህን ማንም ሊሰራው ይችላል!” ነው የሚለው ብላለች።
– “አሁን ላይ ሰዎች ‘በምድር ላይ ያልተሰራ ምንም ነገር የለም፤ እኔ የምሰራው አዲስ ነገር አይኖርም’ የሚል አስተሳሰብ ሰፍኗል፤ ዓለም ፈጽሞ ከአዳዲስ አስተሳሰቦች ልትሟጠጥ አትችልም፤ አዳዲስ ነገሮችን ለመፍጠር ማሰባችንን መቀጠልና ዓለም እንድትመቸን ማድረግ አለብን”–

