የዩጋንዳው ጦር አዛዥ ጀነራል ሙሁዚ ከቡርኪናፋሶው ፕሬዚዳንት ኢብራሂም ትራውሬ ጎን መሆናቸውን ገለጹ

ፕሬዚዳንት ኢብራሂም ትራውሬ የያዙት አቋም የእኔም አቋም ነው ያሉት የዩጋንዳው ጦር አዛዥ ጀነራል ሙሁዚ ከፕሬዜዳንቱ ጎን ነኝ አሉ፡፡

በብዙ አወዛጋቢ ድርጊታቸው የሚታወቁት የዩጋንዳው ጦር አዛዥ ጄኔራል ሙሁዚ ካይኔሩጋባ ትራኦሬ ጸረ ኢምፔሪያሊስቶችን በመዋጋት ላይ ይገኛል በዚህ ሂደትም ልናግዘው ይገባል ብለዋል፡፡

የትራውሬ ህልም ከህልማችን ጋር አንድ ነው እናም ደጋፊው ነኝ ሃይላችንን አስተባብረንም መዋጋት ይኖርብናል ማለታቸው ታውቋል፡፡

አሁን በመዋጋት ላይ ላለው የፀረ ኢምፔሪያሊስት ዘመቻም ሀይላችንን በማስተባበር እንደግፈዋለን ብለዋል።  ጄኔራል ሙሁዚ አፍሪካ ከቅኝ ግዛት ዘመን ምንም መልካም ትዝታ የላትም፤ ከብዝበዛ እና ከጭቆና ውጭ ምንም አላተረፈችም። ሕዝቧ በገዛ ሀገሩ ሁለተኛ ዜጋ፣ በገዛ መሬቱ ጭሰኛ፣ በገዛ ቀየው ባይተዋር ከመሆን ውጭ ያገኘነው የለም እናም ይህ እንዲያከትም መተባበር አለብን ለዚህ ደግሞ ከፕሬዚዳንት ኢብራሂም ትራውሬ ጎን መሰለፍ አለብን ብለዋል፡፡

የቀኝ ግዛቱ ዘመን አፍሪካዊያን ሁሌም ከአእምሯቸው የማይጠፋ መጥፎ ትዝታ ነው አሁን ግን ወጣቱ ትውልድ የሀገራቸውን የወደፊት እጣ ፈንታ እያስተካከሉ ነው እናም ይህንን ሂደት መደገፍ ይገባል ማለታቸው ተሰምቷል፡፡ ጀነራል ሙሁዚ ፕሬዚዳንቱ ዩጋንዳንም እንዲጎበኙ ግብዥ አቀርብላቸዋለሁ ብለዋል።//

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe