ዳሸን ባንክ የአለም አቀፉ አነስተኛና ጥቃቅን ተቋማት ፋይናንስ ፎረም አባል መሆኑን አስታወቀ

ዳሸን ባንክ የአለም አቀፉ አነስተኛና ጥቃቅን ተቋማት ፋይናንስ ፎረም (SME Finance Forum) አባል መሆኑን ድርጅቱ ባወጣው ይፋዊ ጋዜጣዊ መግለጫ አመልክቷል፡፡
የፎረሙ ዋና ስራ አስፈፃሚ ቀመር ሳሊም በአፍሪካም ሆነ በኢትዮጵያ ቀዳሚ ከሆኑት ባንኮች አንዱ የሆነውን ዳሸን ባንክን አባል በማድረጉ ፎረሙ በጣም ደስተኞ መሆኑን ገልፀው ባንኩ በአለም አቀፍ ደረጃ አነስተኛና ጥቃቅን ተቋማትን ለመደገፍና የፋይናነስ አገልግሎቶችን ይበልጥ እንዳያገኙ ለማድረግ የሚደረገውን ጥረት እንደሚያግዝም ገልፀዋል፡፡
ፎረሙ በአነስተኛና ጥቃቅን ተቋማት ላይ አተኩረው በሚሰሩ ተቋማት መካከል ትስስር ለመፍጠርና የዕውቀት፣ የፈጠራ፤ የመልካም ተሞክሮዎች፣ የፖሊሲ ሽግግሮች እንዲኖሩ እየሰራ መሆኑንም ጠቁመዋል፡፡
የዳሸን ባንክ ቺፍ ስትራቴጂና ኢኖቬሽን ኦፊሰር አቶ ሙሉጌታ አለባቸው በበኩላቸው ዳሸን ባንክ የፎረሙ አባል በመሆን በአለም አቀፍ የአነስተኛና ጥቃቅን ፋይናንስ ዘርፍ ያለውን ቦታ ይበልጥ ለማጉላት፣ በዘርፉ ካሉ ተቋማት ጋር ይበልጥ ትስስር ለመፍጠርና በጋራ ለመስራትና በዘርፉ ስለሚፈጠሩ ክስተቶችና መልካም ተሞክሮዎች ዙሪያ ወቅታዊ ግንዛቤ ለመፍጠር እንደሚችል አመልክተዋል፡፡
140 የሚሆኑ አባላት ያሉት ይህ ፎረም ከ190 በላይ አገራት የሚሰሩ የዘርፉን ባለሙያዎችን ያስተሳሰረ ሲሆን በተለያዩ የአለም ክፍሎች የሚገኙ አነስተኛና ጥቃቅን ተቋማት የፋይናነስ አገልግሎትና ድጋፍ በሚያገኙባቸው አማራጮች ዙሪያ አተኩሮ ይሰራል፡፡(ዳሸን ባንክ)

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe