ጋዜጠኞች ከፕሬዝዳንቱ አውሮፕላን ላይ ዕቃ መስረቅ እንዲያቆሙ ተነገራቸው

ለዘገባ ሥራ የፕሬዝዳንት ጆ ባይደን አውሮፕላን ላይ የሚሳፈሩ ጋዜጠኞች ከአውሮፕላኑ ላይ ‘ማስታወሻ’ በሚል ዕቃ መስረቅ እንዲያቆሙ ማሳሰቢያ ተሰጣቸው።
በቅርቡ ፕሬዝዳንት ባይደን ለሥራ ወደ ምዕራባዊ የአገሪቱ ክፍል በኤር ፎርስ ዋን ከበረሩ በኋላ በአውሮፕላኑ ላይ የንብረት ቆጠራ ከተካሄደ በኋላ ብዙ ንብረት ጎድሎ ተገኝቷል።
በቆጠራው ወቅት የፕሬዝዳንቱ አርማ ያለባቸው በወርቅ ቀለም ያሸበረቁ ሳህኖች እና የትራስ ጨርቆች ጎድለው ተገኝተዋል።
የዋይት ሃውስ የጋዜጠኞች ማሕበር ከአውሮፕላን ዕቃዎችን ይዞ መውረድ የተከለከለ ነው ብሏል።
ባለፈው ሳምንት ማሕበሩ ለጋዜጠኞች በላከው የኢሜይል መልዕክት ይህ ተግባር ከፕሬዝዳንቱ ጋር የሚጓዙ ጋዜጠኞችን ስምን የሚያጎድፍ በመሆኑ በአስቸኳይ መቆም አለበት ብሏል።
አልፎ አልፎ ጋዜጠኞች ከፕሬዝዳንቱ ጋር ለዘገባ ሥራ ሲጓዙ የፕሬዝዳንቱ ዓርማ ያረፈበት ኤም&ኤምስ ቸኮሌት እንደ ማስታወሻ ይሰጣቸዋል።
ይሁን እንጂ ጋዜጠኞች የኤር ፎርስ ዋን አርማ ያለባቸውን እንደ ማንኪያ፣ ሹካ እና ፎጣ የመሳሰሉ ቁሶችን ያለፍቃድ መውሰዳቸውን የተለመደ ተግባር አድርገውት ቆይተዋል።
SourceNahoo tv

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe