የአሜሪካ ፌዴራል አቪዬሽን አስተዳደር ለቦይንግ 737 MAX 10 አውሮፕላን የመጨረሻ የምስክር ወረቀት በመስጠት አውሮፕላኑን ለአየር መንገዶች ማስረከብ እንዲጀመር ፈቃድ ሰጥቷል።
ለዓመታት የዘለቀውን ማረጋገጫ የማግኘትን ሂደት ያጠናቀቀው ቦይንግ የ737 MAX ተከታታይ አውሮፕላኖች ትልቁን ሞዴል ለደንበኞቹ ለማስረከብ የነበረውን ዋነኛ እንቅፋት ማስወገዱን አስታውቋል።
አውሮፕላኑ ከአውሮፓው ኤርባስ ጋር የሚያደረገውን የገበያ ውድድር ለማጠናከር ወሳኝ ነው ተብሏል።
ቦይንግ የአውሮፕላኑን ርክክብ በ2020 ለመጀመር አቅዶ የነበረ ቢሆንም፣ የቴክኒክ ችግሮችና የቁጥጥር ሂደቶች ምክንያት ለዓመታት ተራዝሟል።
እያንዳንዱ አውሮፕላንም ተጨማሪ የበረራ ብቃት ፈቃድ ከተሰጠው በኋላ ብቻ ነው መንገደኞችን ማጓጓዝ የሚችለው።

