የተወዳጁ ድምጻዊ ጃኪ ጎሲ /ጎሳዬ ቀለሙ/ የመጀመሪያ አልበሙም ለፋሲካ እንደሚያወጣ ተሰማ፡፡
14 ዘፈኖችን የያዘው የጃኪ አልበም አንድ የትግርኛና አንድ የኦሮሚኛ ዘፈኖችን የያዘ ሲሆን የአልበሙ መጠሪያ ‹ባላምባራስ› የሚል እንደሆነ ታውቋል፡፤
አልበሙን ጃኪ ለሪቮ መልቲ ሚዲያ በ3 ነጥብ 8 ሚሊዮን ብር መሸጡ የታወቀ ሲሆን ከአልበሙ ጋር ጃኪ አራት ኮንሰርቶችን ለሪቮ እንደሚሰራ ታውቋል፡፡ ኮንሰርቶቹ በአዲስ አበባና በሶስት የተመረጡ ከተሞችን እንደሚካሄድ ተገልጧል፡፡
ጃኪ ጎሲ ከዚህ ቀድም ባወጣቸው ነጠላ ዜማዎች ከፍተኛ ተመልካች ያገኘ ድምጻዊ ሲሆን ፊያሜታ የተባለው ዘፈኑ ብቻ በዩቲዩብ ላይ ከ25 ሚሊየን በላይ ተመልካች እንዳገኘ ታውቋል፤

