ዩናይትድ ስቴትስ እንዳይገቡ የተከለከሉት የእግር ኳስ ዳኛ በሶማሊያ የጀግና አቀባበል ተደረገላቸው

የዓለም እግር ኳስ ጨዋታን ለመዳኘት ወደ ዩናይትድ ስቴትስ አቅንተው ከአውሮፕላን ማረፊያ ሳይወጡ ወደ መጡበት እንዲመለሱ የተገደዱት ሶማሊያዊው የእግር ኳስ ጨዋታ ዳኛ በሶማሊያ የጀግና አቀባበል ተደረገላቸው ። ዩናይትድ ስቴትስ እንዳይገቡ ባይከለከሉ እና ጨዋታውን ቢዳኙ ኖሮ የእግር ኳስ ጨዋታ ዳኛው ዖማር አብዱልቃድር አርታን የዓለም እግር ኳስ ጨዋታን በመዳኘት ከአገራቸው ሶማሊያ የመጀመሪያው ሰው ይሆኑ ነበር ። ወደ ዩናይትድ ስቴትስ እንዳይገቡ ተገድደው ግን ከሚያሚ ዓለም አቀፍ አውሮፕላን ጣቢያ ባለፈው ቅዳሜ ወደ መጡበት ቱርክ እንዲመለሱ ተገድደዋል ።
የዩናይትድ ስቴትስ የጉምሩክ እና ድንበር ጥበቃ መሥሪያ ቤት ሶማሊያዊው ዳኛን ወደ አገሩ እንዳይገቡ ሲከለክል «ጥልቅ የማጣራት ሒደት» ላይ ነን ከማለት ውጪ ዝርዝር ማብራሪሪያ አለመስጠቱን አሶሺየትድ ፕሬስ የዜና ምንጭ ዘግቧል ። የዓለም አቀፉ የእግር ኳስ ማኅበርም (FIFA) በኋላ ላይ ሶማሊያዊው ዳኛን ከዳኞች ዝርዝሩ ውስጥ አንስቷል ። ሮይተርስ የዜና ምን ጭ በበኩሉ፦ የፕሬዚደንት ዶናልድ ትራምፕ አስተዳደር ሶማሊያዊው ዳኛን ወደ ዩናይትድ ስቴትስ እንዳይገቡ የከለከለው «ከተጠርጣሪ አሸባሪ ቡድኖች አባላት» ጋር ግንኑኘት አላቸው በሚል ነው ሲል አትቷል ።
የእግር ኳስ ዳኛው ዖማር አብዱልቃድር አርታን ምንም እንኳን ዩናይትድ ስቴትስ እንዳይገቡ ቢከለከሉም፤ አገራቸው ሶማሊያ ሞቃዲሹ አውሮፕላን ማረፊያ ሲገቡ ግን የጀግና አቀባበል እንደተደረገላቸው አሶሺየትድ ፕሬስ የዜና ምንጭ ዘግቧል ። ዩናይትድ ስቴትስ እንዳይገቡ መከልከላቸውን በብርቱ በመተቸት፦ ለሶማሊያ መንግሥት፤ ሕዝብ እና ዓለም አቀፉ የእግር ኳስ ማኅበር ላሳዩት ድጋፍ አመስግነዋል ።
የዓለም እግር ኳስ ውድድር ከሦስቱ አዘጋጆቿ አንዷ በሆነችው ሜክሲኮ እና ደቡብ አቀፍሪቃ መካከል ነገ በሚደረገው የመክፈቺያ ግጥሚያ ይጀምራል ። ውድድሮቹ በአዘጋጆቹ ዩናይትድ ስቴትስ እና ካናዳ ውስጥም እየተከናወኑ ለአንድ ወር ያህል ይቆያሉ ።

SourceDW

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe