ዳሸን ባንክ  የ“ዘ ባንከር” ሽልማትን ለ13ኛ ጊዜ አሸነፈ

ዳሽን ባንክ በተለያዮ የአፈጻጸም መለኪያዎች የሚመዝነው እና የእንግሊዙ ፋይናንሻል ታይምስ የሚያሳትመው ዘ ባንከር መጽሔት ለተከታታይ ሁለተኛ ዓመት በጠቅላላ ለ13ኛ ጊዜ የ2023 የኢትዮጵያ አሸናፊ ሆኖ ተመርጧል፡፡
ባንኩ ከኢትዮ ቴሌኮም ጋር በመሆን አነስተኛ ብድር እና ቁጠባ ተደራሽ በማድረግ የፋይናንስ አካታችነትን መፍጠሩ የ2023ቱን ዘባንከር ሽልማት እንዲያገኝ ካስቻሉት ስኬቶቹ አንዱ ነው። ባንካችን ከቴክኖሎጂ አጋሩ ኤግላይን ጋር ለገበያ ባስተዋወቀው ‘ዱቤ አለ’ የተሰኘ በቴክኖሎጅ የታገዘ የዋስትና እና ብድር አቅርቦቱ ለሸማቾች እና አነስተኛ ንግድ አንቀሳቃሾች የሚያቀርበው አገልግሎት ሌላኛው ለሽልማቱ ያበቃው ስኬት ነው፡፡
በቅርቡ ከማስተር ካርድ ጋር በመሆን ያስተወቀው ባለ ብዙ መገበያያ ገንዘብ እና ከንክኪ ነፃ ቅድመ ክፍያ ዓለም አቀፍ ካርድ ባንኩን ለሽልማቱ ካበቁ አያሌ ምክንያቶች ውስጥ ይገኝበታል።
የዳሸን ባንክ ዋና ስራ አስፈጻሚ አቶ አስፋዉ ዓለሙ ሽልማቱን ለንደን ተገኝተዉ ተቀብለዋል፡፡
የእንግሊዙ ዘ ባንከር መጽሄት ከአዉሮፓዉያኑ 1926 ጀምሮ በዓለም አቀፉ የባንክ መስክ ከፍተኛ ተቀባይነት እና ዕውቅና ያለው ህትመት ነው ፡፡

LEAVE A REPLY

Please enter your comment!
Please enter your name here

ትስስር ይፍጠሩ

325,851FansLike
49,039FollowersFollow
13,194SubscribersSubscribe