ሐብት ካስመዘገቡ 41 ከፍተኛ የመንግስት አመራሮች መካከል ትክክለኛ ሆኖ የተገኘው አንዱ ብቻ መሆኑን የፌደራል የሥነ ምግባርና ጸረ ሙስና ኮሚሽን አስታወቀ።
ባለፉት ስድስት ወራት 41 ከፍተኛ የመንግስት አመራሮች ያስመዘገቡትን ሐብት እውነተኝነት ለማረጋገጥ በተደረገው ማጣራት ትክክለኛ ሆኖ የተገኘው አንድ ብቻ መሆኑን በኮሚሽኑ የአስቸኳይ ሙስና መከላከል መሪ ስራ አስፈጻሚ አቶ ገዛኽኝ ጋሻው መናገራቸውን የኢትዮጵያ ፕሬስ ኤጀንሲ ዘግቧል።
አዲስ ማለዳ የተመለከተችው ዘገባ እንዳመላከተው ከ41ዱ 24ቱ ከፍተኛ ልዩነት እንዲሁም 16 የሚሆኑት መካከለኛ ልዩነት የተገኘባቸው ሲሆን ትክክለኛ ሆኖ የተገኘው አንድ ብቻ ነው።
ጉዳዩም ለፍትህ አካላት ደርሶ የማጣራት ስራ እየተከናወነ ይገኛል የተባለ ሲሆን በቀጣይ ስድስት ወራት የ55 ከፍተኛ የመንግስት ባለስልጣናት የተመዘገበ ሐብት የማረጋገጥ ስራ እንደሚከናወን ተገልጿል።

