የኬንያ ፓርላማ ” #ቲክቶክ ” የተሰኘው የማኅበራዊ መገናኛ ዘዴ እንዲያግድ አቤቱታ እንደቀረበለት የኬንያ መገናኛ ብዙሃን ዘግበዋል።
” ወጣቶች ትምህርታቸውን ትተው የ ‘ቲክቶክ’ ቁራኛና የአዕምሮ ህመምተኛ እየሆኑ ነው ” የሚለው አቤቱታው ፓርላማው አፋጣኝ ውሳኔ እንዲሰጥ ጠይቋል።
የፓርላማው አፈጉባኤ ሞሰስ ዋታንጉላ፣ ” ሁከትን እና የጥላቻ ንግግርን የሚያበረታቱ ” እና ” የብልግና ” እና ” መረን የለቀቀ ጾታዊ ይዘት ” ያላቸው የ ” ቲክቶክ ” ተንቀሳቃሽ ምስሎች ” በኬንያ ባሕላዊና ሃይማኖታዊ እሴቶች ላይ አደጋ ደቅነዋል” በማለት አቤቱታውን ደግፈው መናገራቸው ተዘግቧል።
የኬንያ ፓርላማ በአቤቱታው ላይ ውሳኔ ባይሰጥም ፤ የመጀመሪያ ውይይት ግን እንዳደረገበት ተጠቁሟል።
ኬንያ በአፍሪካ በቲክቶክ ተጠቃሚዎች ብዛት ቀዳሚ ናት።

