በማምቡክና አካባቢው ግጭት ተጠርጥረው የተያዙ ሰዎች ቁጥር 62 ደርሷል
በቤኒሻንጉል ጉሙዝ ክልል መተከል ዞን በማምቡክና አካባቢው ግጭት ተጠርጥረው በቁጥጥር ስር የዋሉ ሰዎች ቁጥር 62 መድረሱን ፖሊስ አስታወቀ፡፡
የክልሉ ፖሊስ ኮሚሽን ኮሚሽነር መሃመድ ሀምደኒል ለኢዜአ እንዳሉት ማምቡክና አካባቢው ከጸጥታ ችግር ወጥተው በአሁኑ ወቅት ወደ ቀደመ መረጋጋት ተመልሰዋል፡፡
“በግጭቱ ምክንያት ተቋርጦ እና ተስተጓጉሎ የነበረው የአሶሳ- ግልገል በለስ፣ የግለገል በለስ- ማምቡክ፣ የግልገል በለስ-ፓዌ-ጃዊ-ማንኩሽና እና ሌሎችም ከተሞች የህዝብ ትራንስፖርት ትናንት እንደገና ተጀምሯል” ብለዋል፡፡
በፌዴራል እና በክልል ፖሊስ የተደራጀው ግጭቱን የሚመረምረው ቡድን ስራውን አጠናክሮ መቀጠሉን ኮሚሽነር መሃመድ ጠቅሰዋል፡፡
እስከ አሁን በማምቡክና አካባቢው ግጭት ተጠርጥረው የተያዙ ሰዎች ቁጥር 50 ሲደርስ በጃዊ ግጭት ደግሞ ሌሎች 12 ሰዎች መያዛቸውን ተናግረዋል
ምንጭ – ኢዜአ

